«Իշխանական որոշ պրոպագանդիստներ «ահազանգ» են բարձրացրել, թե ինչու ՀԱԿ-ականները «դանակներով չեն ներխուժում» ռոբականների էջերը». Արմեն Խաչատրյան

Հայ ազգային կոնգրեսի ներկայացուցիչ Արմեն Խաչատրյանը ֆեյսբուքյան իր էջում գրում է. «Խորհրդարանական վերջին հարց ու պատասխանի ժամանակ քոչարյանի դաշինքի մի պատգամավոր նորից բարձրացրեց Արցախին բանակցային պրոցեսից դուրս թողելու հարցը, ինչին պատասխանեց Նիկոլ Փաշինյանը։
Իշխանական (ՔՊ-ական) որոշ պրոպագանդիստներ «ահազանգ» են բարձրացրել, թե ինչու ՀԱԿ-ականները «դանակներով չեն ներխուժում» ռոբականների էջերը՝ այս թեմայով ճշմարտությունը պաշտպանելու համար։
Ուզում եմ այդ մարդկանց ասել, որ Փաշինյանը բավականին հիմնավոր փաստարկներ ներկայացրեց ԱԺ ամբիոնից, բայց, այնուամենայնիվ, եթե իրենց առաջնորդի խոսքը «ասնավանի» չի իրանց համար, ՀԱԿ բազմաթիվ գործիչներ փորձագիտական մակարդակով տվել են այդ հարցի պատասխանը, մասնավորապես վերջին ԱԺ ընտրությունների քարոզարշավի ընթացքում թե՛ Առաջին նախագահի, թե՛ այլ ՀԱԿ-ականների հրապարակային ելույթներում ու վերլուծություններում բազմիցս բերվել են արժանահավատ ու հիմնավոր փաստարկներ և այդ հարցին տրվել է սպառիչ պատասխան»: