«Եկեղեցուն ընդամենը հուզել է մեռելոցները ոչ աշխատանքային դարձնելու ու այդ կարգի այլ հարցեր»․ Հ․ Բադալյան

Քաղաքական մեկնաբան Հակոբ Բադալյանը գրում է. «ՀԱԵ եպիսկոպոսներն ու թեմական առաջնորդները կոչ են անում հունվարի 5-ն ու 7-ը ևս թողնել ոչ աշխատանքային: Պարզվում է, դրանից ազգային դիմագիծ է կախված: Երեք տասնամյակ երկրում տեղի են ունեցել ամենատարբեր բնույթի բախտորոշ, վճռորոշ երևույթներ, զարգացումներ, անվտանգության, զարգացման հարցերից ընդհուպ երևույթներ, որոնք քայքայել են հանրային հոգեբանություն ու մարդկային արժեհամակարգ: Հայ Առաքելական եկեղեցու ղեկավարությանը՝ այդ շարքում ընդամենը մի քանի առանձին բացառություն հոգևորականներով, հուզել է ընդամենը մեռելոցները ոչ աշխատանքային դարձնելու, Երևանում մի հատ կաթողիկոսական նստավայր հաջողացնելու, ու այդ կարգի «եկեղեցապատկան» այլ հարցեր»: