«Չուզողը կարող է չհասկանալ». Վիգեն Խաչատրյանը՝ Արցախի վերաբերյալ իր աղմկահարույց հայտարարության մասին

ՔՊ-ական պատգամավոր Վիգեն Խաչատրյանն այսօր Հանրային հեռուստաընկերության եթերում անդրադարձել է ԱԺ-ի ամբիոնից իր արած այն աղմկահարույց հայտարարությանը, թե «առանց Արցախի Հայաստանն ապագա չունի թեզը վտանգավոր է»:

Հաղորդավար Պետրոս Ղազարյանի դիտարկմանը, թե սա կարո՞ղ է արդյոք ենթադրվել, որ առանց Արցախի Հայաստանն ապագա ունի, Խաչատրյանը պատասխանել է. «Դա յուրաքանչյուրն իր արշինով է չափում: Եթե ես ասեմ Հայաստանն առանց Արցախի ապագա չունի թեզը վտանգավոր է ու վերջակետ դնեմ, կարաք էդպես մտածեք: Բայց եթե գնում ա քննարկում ու ես շարունակում եմ ասել, որ ավելի ճիշտ է ասել՝ ՀՀ-ի հզորացմամբ է պայմանավորված Արցախի հեռանկարը...: Չուզողը կարող է չհասկանալ, բայց ես դա ասել եմ փորձագիտական լսարանում, և այդ փորձագետների մեծ մասն ինձ հետ համաձայն է եղել»,- ասել է իշխանական պատգամավորը:

Հիշեցենք՝ Խաչատրյանի այդ հայտարարությանը հաջորդել էր Գեղամ Մանուկյանի կոշտ ելույթը, ինչից հետո էլ ընդդիմադիրր պատգամավորին դահլիճից դուրս էին հանել անվտանգության աշխատակիցները:

Մանրամասները՝ տեսանյութում: