Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Քանի՞ տարի անց հայտնի կդառնա, թե ի՞նչ են պատասխանել Սերժ Սարգսյանին». Հակոբ Բադալյան

«Քանի՞ տարի անց հայտնի կդառնա, թե ի՞նչ են պատասխանել Սերժ Սարգսյանին». Հակոբ Բադալյան
257
Հինգշաբթի, 04 նոյեմբերի, 2021 թ., 03:18

Քաղաքական մեկնաբան Հակոբ Բադալյանը գրում է. «Չորս տարի անց, այն էլ՝ պատերազմի պարտությունից հետո, հայտնի դարձավ, որ 2016-ի հուլիսին Սերժ Սարգսյանը Ստեփանակերտում Արցախի ռազմա-քաղաքական շրջանակի հետ հանդիպմանը խոսել է փոխզիջումային կարգավորման չգնալու դեպքում «Ստեփանակերտ-Ստեփանակերտ» երգելու վտանգի մասին:

Քանի՞ տարի անց հայտնի կդառնա, թե՝ իսկ ի՞նչ են պատասխանել Սերժ Սարգսյանին, ի՞նչ խոսակցություն է գնացել, ձևավորվե՞լ է արդյոք որևէ ընդհանուր հայտարար, թե՞ ոչ: Ընդ որում, կարծես թե Սարգսյանի՝ Արցախ այդ այցի ընթացքում է, որ ստացվել է Երևանում ՊՊԾ գնդի գրավման տեղեկությունը, որը հնարավոր է, ընդհատել է, այդպես ասած՝ արցախյան խոսակցությունը:

Իսկ հետո՞, որևէ մեկը չի՞ ուզել շարունակել դա, կամ ո՞վ չի ուզել: Թե՞ շարունակվել է, և ի՞նչ բովանդակությամբ ու տրամաբանությամբ: Եվ արդյո՞ք այդ շարունակության համատեքստում էր Կարեն Կարապետյանի «պատահական» հայտարարությունը, թե տանկերի բաքերում դիզելի փոխարեն ջուր է եղել»:

Աղբյուրը`   Հակոբ Բադալյան