«Այս վարչախումբն ունի մի նպատակ՝ մոռանանք, որ պատերազմ է եղել, որ տղերք ենք կորցրել»․ Գեղամ Նազարյան

«Մեր խմբակցությունը նախաձեռնել էր օրենսդրական նախաձեռնություն, որով առաջարկվում էր ծանր պատիժ սահմանել, օրինակ, քննիչ հանձնաժողովում սուտ ցուցմունք տված պաշտոնյաներիի նկատմամբ, ինչը Կառավարությունը մերժեց ու հետ ուղարկեց լրամշակման համար»,- այսօր՝ «Պատերազմի քննիչ հանձնաժողովի անհրաժեշտությունը. հետպատերազմյան ապաքինում» թեմայով քննարկման ժամանակ հայտարարեց ԱԺ «Հայաստան» խմբակցության պատգամավոր Գեղամ Նազարյանը։
«Սա հուշում է, որ այս վարչախումբն ունի մի նպատակ՝ մոռանանք, որ պատերազմ է եղել, որ տղերք ենք կորցրել, որ Շուշին նվիրել ենք Ադրբեջանին»,- նկատեց նա։