«Հիմա էլ կոտրածն են փշրում, տարբեր քարոզիչներով համոզելով, որ պետք է հաշտվել պարտության ծանր հետևանքների հետ»․ Ո․ Սարգսյան

Լրագրող Ոսկան Սարգսյանի գրառումը․ «Սկզբից Հայաստանի մեջքը կոտրեցին տարօրինակ, ես կարծում եմ՝ պլանավորված պատերազմով և պլանավորված պարտությամբ։ Հիմա էլ կոտրածն են փշրում, տարբեր քարոզիչներով համոզելով, որ պետք է հաշտվել պարտության ծանր հետևանքների հետ, այլապես հետո ավելի վատ փաստաթուղթ ենք ստորագրելու։ Եթե Նիկոլ Փաշինյանը մնաց իշխանության գլուխ (նրա դեմ իսկական պայքարող չկա) նա առանց աչքը թարթելու կստորագրի Հայաստանի և Արցախի համար ամենավատթար փաստաթուղթը։ Այս կերպ հուսահատություն են ծնում հայաստանցիների մեջ, հուսահատ մարդիկ թքում են և հեռանում, այս տարվա 9 ամիսների ընթացքում, հունվար-սեպտեմբեր ժամանակաշրջանում Հայաստանից Ռուսաստան է մեկնել 437 հազար 236 մարդ։ Թե նրանցից քանիսը կվերադառնա Հայաստան, հետո կերևա։ Հայաստանը հայաթափվում է, և դա չվերականգնվող կորուստ է»։