«Ընձուղտներին զուգահեռ՝ Հայաստանի սահմաններին կարող են կանգնել նաև փղերը»․ Գևորգ Էմին-Տերյան

ԵՊՀ նախկին մամուլի խոսնակ Գևորգ Էմին-Տերյանը ֆեյսբուքյան էջում գրել է․ «Ազգային ժողովում տեղի ունեցած քննարկումներից դժվար է ամբողջական պատկերացում կազմել, թե շներից ու ձիերից բացի՝ ուրիշ ի՞նչ կենդանիներ են ներգրավվելու մեր երկրի պաշտպանության գործում, բայց ակնհայտ է, որ սա մի լուծում է, որն աննախադեպ հնարավորություններ է բացում Հայաստանի՝ բացարձակապես անվտանգ և անառիկ երկիր դառնալու գործում։ Օրինակ՝ պետք է անպայման ներգրավել ընձուղտներին։ Նրանք երկար վիզ ունեն, նորմալ տեսողություն և կարող են հեռվից տեսնել թշնամու առաջխաղացումը։ Ընձուղտներին զուգահեռ՝ Հայաստանի սահմաններին կարող են կանգնել նաև փղերը, որոնց պետք կլինի ժամանակ առ ժամանակ խմեցնել։ Պատկերացնո՞ւմ եք՝ ինչքան անվտանգ կլինի Հայաստանը, եթե թշնամիներն իմանան, որ մեր հայրենիքի սահմանի ողջ երկայնքով անկանոն վազվզում են հարբած փղեր։ Ինչքան զգույշ կլինեն մեր սահմաններից բոլորը՝ և թշնամիները, և բարեկամները»։