«Խնդիրը ոչ թե կարողությունն է, այլ ցանկությունը․ չի ուզեցել և չի էլ ուզում»․ Գևորգ Գալստյան

Քաղաքագետ Գևորգ Գալստյանի գրառումը․ «Մի հանրույթ կա, որ Ռուսաստանի հայատյաց քաղաքականության մասին խոսում է, նախկին ղեկավարների ու նրանց կլանային համակարգի հայատյաց լինելու մասին խոսում է, բայց որ Հայաստանում վերջինների ազդեցության պահպանման երաշխավորն ու մեղավորը Փաշինյանն է՝ չի ասում: Ստացվում է, որ ինչպես Փաշինյանն է գրկել վերջին երկուսին, այնպես էլ այդ հանրույթը գրկել է Փաշինյանին:
Նոր Սահմանադրություն, անցումային արդարադատություն, նոր դատական համակարգ, Ընտրական նոր օրենսգիրք, Կուսակցությունների մասին նոր օրենք, «ոչ մի մուկ, ոչ մի ձուկ» և այլն.... Սրանք 2018թ.-ի Փաշինյանի խոստումներն են։ Սրանցից ոչ մեկը չարվեց:
Ես ամենասկզբում կարծում էի, որ Փաշինյանը չի կարողանում կատարել իր խոստումները: Մի փոքր անց հասկացա, որ խնդիրը ոչ թե կարողությունն է, այլ ցանկությունը: Նա չի ուզեցել և չի էլ ուզում:
Թեպետ այլևս էական էլ չէ...»։