«Նա մերօրյա Կաշպիրովսկին է, կամ, ինչն ավելի հավանական է, Չումակը»․ Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «ՎԵՐՋԱՊԵՍ ԱՍԱՑ
Ուղիղ մեկ շաբաթ առաջ մեր երկրի ամենաազդեցիկ և նույնքան հզոր Պահպանողական կուսակցության լեգենդար առաջնորդ Հայրապետյան Միքայելը (այսուհետ՝ լեգենդար) պետք է հանդիպեր Փաշինյան Նիկոլին և հարցներ, թե տեսանելի ապագայում ինչ փաստաթուղթ է նախատեսվում ստորագրել: Դարակազմիկ հանդիպումը կայացել էր, սակայն լեգենդարը լռում էր: Հանրությունն էլ անհանգիստ էր: Բոլորը սպասում էին լեգենդարի խոսքին:
Եվ ահա, նա ասաց: Ուշացումով, սակայն ասաց:
Լեգենդարն ասաց, որ «Փաշինյանի հետ խորհրդակցական ժողովի նիստին զգացի հակվածություն՝ Մեղրիով ավտոմայրուղու կառուցում թույլ չտալ, մենք ավտոմայրուղի, ըստ վարչապետի, տրամադրում ենք օրինակ Տավուշով»:
Ի՞նչ ասեմ: Փաստորեն, լեգենդարը նաև պայծառատես է, հակվածատես (նոր բառ է) և շատ զգայուն: Նա չի կատարել հանրության առջև տրված խոստումը և Փաշինյան Նիկոլին ոչինչ չի հարցրել: Փոխարենը, նա զգացել է Փաշինյան Նիկոլի հակվածությունները և դրանք մեզ է փոխանցում: Նա մերօրյա Կաշպիրովսկին է, կամ, ինչն ավելի հավանական է, Չումակը:
Իսկ եթե ավելի լուրջ, ապա.... Չնայած, լուրջ բան այստեղ մի փնտրեք: Հերթական մուտիտն է:
ՀԳ. Մի բան չհասկացա. Տավուշով ճանապարհը որտե՞ղ է գնալու՝ Վանաձո՞ր, Գյումրի՞, Ապարա՞ն, թե՞ Երևան»: