«Դատարանը տեղեկացված չէ, որ կալանքի տակ պահելու ժամկետը պարբերաբար քննության առարկա պետք է դառնա». Արթուր Պիվազյան

Փաստաբան Արթուր Պիվազյանը ֆեյսբուքյան իր էջում գրել է. «Վերջերս մինչդատական վարույթի նոր նշանակված դատավորը (անձնական տվյալները դեռևս չեմ ներկայացնի), անձին առաջին անգամ կալանավորելով, նշել է, որ մինչդատական վարույթի ողջ ընթացքում մեղադրյալի պատշաճ վարքագիծը հնարավոր չէ ապահովել այլ խափանման միջոցով:

Ստացվում է, որ դատարանն այլևս անձին կալանավորելը տեսնում է քննության կոնկրետ և ամբողջական փուլի համար և այլևս կարիք չկա, որ քննիչը հետագայում միջնորդի կալանքի տակ պահելու ժամկետը երկարացնել: Ավելին, դատարանը քննիչին և դատախազին նման որոշումով հասկացնում է, որ հանկարծ իրենց կամքով նախաքննության փուլում այլ խափանման միջոց չկիրառեն անձի նկատմամբ:

Դատարանը տեղեկացված չէ, որ ՀՀ օրենսդրությամբ կալանքի տակ պահելու ժամկետը թեկուզ նախաքննության փուլում, բայց պարբերաբար քննության առարկա պետք է դառնա, ոչ թե մի ամբողջ քննության փուլի համար հարկավոր է ընդհամենը անձին մեկ անգամ կալանավորել: Դատական ակտի այլ, ավելի «թեթև» թերությունները ներկայացնելն անիմաստ է»: