«Մի հատ էլ լավ լուր». Վահե Գասպարյան

Հանրահավաքի ավարտին ԱԺԲ անդամ Վահե Գասպարյանն ասաց. «Դեկտեմբերի 9-10-ն ԱՄՆ-ի նախաձեռնությամբ տեղի է ունենալու Ժողովրդավարության սամիթ կոչվող միջոցառումը, որին մասնակցելու են հարյուրից ավելի ժողովրդավարական երկրներ: Հայտնի է դարձել, որ այդ սամիթին մասնակցության հրավեր չեն ստացել Ռուսաստանը, Թուրքիան, Ադրբեջանը, Բելառուսը և այլ բռնատիրական երկրներ: Սա՝ ի գիտություն այն տգետների, ովքեր դեռ պնդում են, թե Թուրքիան ԱՄՆ-ի դաշնակիցն է: Փոխարենն այդ սամիթին հետխորհրդային տարածքի երկրներից հրավեր են ստացել Ուկրաինան, Մոլդովան, Վրաստանը և Հայաստանը: ԱՄՆ-ն հրավիրում է ոչ թե սրանց, այլ հայ ժողովրդին՝ մասնակցելու այդ սամիթին, որովհետև ԱՄՆ-ի իշխանությունը դեռևս 2018 թվականին Ջոն Բոլթոնի այցից հետո հասկացավ, որ սրանք ոչ թե ներկայացնում են հա ժողովրդին, այլ Կրեմլը: Եվ ուրեմն, ԱՄՆ-ն ասում է՝ հայ ժողովուրդ, եկուր այստեղ»: