Գորիսի փոխքաղաքապետը կալանավորվել է

Վերաքննիչ քրեական դատարանը Գորիսի փոխքաղաքապետ Մենուա Հովսեփյանին կալանավորելու որոշում է կայացրել:

Հիշեցնենք՝ Սյունիքի մարզի ընդհանուր իրավասության դատարանը հոկտեմբերին նրան ազատ էր արձակել գրավով:

ԱԺ «Հայաստան» խմբակցության պատգամավոր Արամ Վարդևանյանը ֆեյսբուքյան իր էջում գրել է. «Վերջերս հայտարարել էի, որ «Այսպիսի խեղճացած, վախեցած, կամակատար դատարանները երբեք չեն եղել»։ Այս պնդումը վերաբերում է առհասարակ իրավապահներին: Այս պնդման հերքման դեպքում այսօր հարուցված կլիներ քրեական գործ առնվազն Հայաստանի տարածքների ապօրինի փոփոխման վերաբերյալ: Այս պնդման հերքման դեպքում Գորիսի փոխքաղաքապետը՝ Մենուա Հովսեփյանը չէր կալանավորվի հենց այսօր, հենց այն օրը, երբ Սյունիքի մարզի ճակատագիրը որոշում են ադրբեջանից ու կոնկրետ գործողություններ ձեռնարկում: Հենց այս պնդման հերքման դեպքում՝ դատախազությունը հենց իր նախաձեռնությամբ արդեն հայտարարություն տարածած կլիներ Արարատի մարզում այս իշխանությունների կողմից ընտրողների կամքի վրա ուղղակի միջամտելու, հերթական անգամ վարչական ռեսուրսը չարաշահելու վերաբերյալ...»: