«Անընդունելի է ցանկացած ոտնձգություն ՀՀ սահմանների, տարածքային ամբողջականության նկատմամբ». Արմեն Սարգսյան

«Անընդունելի եմ համարում ցանկացած ոտնձգություն Հայաստանի Հանրապետության սահմանների, տարածքային ամբողջականության և ինքնիշխանության, մեր քաղաքացիների կյանքի, նրանց ազատ և անվտանգ տեղաշարժի և բոլոր այլ հիմնարար իրավունքների նկատմամբ։ Ցանկացած ոտնձգության դեպքում համապատասխան պետական ​​մարմինները և պաշտոնատար անձինք Սահմանադրությամբ և օրենքներով նախատեսված իրենց լիազորությունների շրջանակում պարտավոր են ձեռնարկել բոլոր միջոցները և օգտագործել բոլոր հնարավորությունները՝ ապահովելու Հայաստանի Հանրապետության պաշտպանությունը, անվտանգությունը, տարածքային ամբողջականությունը և սահմանների անձեռնմխելիությունը»,- գրել է ՀՀ նախագահ Արմեն Սարգսյանը՝ Թելեգրամի իր ալիքում։