«Քոչարյանն իշխանությունը ուզում է միայն բոլոր հնարավոր զիջումներից հետո». Հմայակ Մկրտչյան

Իրավագետ, «Ապագա երկիր» ՀԿ-ի նախագահ Հմայակ Մկրտչյանը ֆեյսբուքյան իր էջում գրել է. «Ռուսաստանը մեզ ստիպում է միջանցք տալ Ադրբեջանին Սյունիքով, Լաչինի միջանցքի դիմաց, որը կվերահսկեն իրենք՝ այսպիսով հսկողության տակ պահելով Սյունիքը․ չտալու դեպքում՝ սպառնալով, որ Ադրբեջանն այն ուժով կվերցնի։
Այս պահին, փաստացի, հայտնվել ենք ռուս -թուրք, ադրբեջանական կողմի դիմաց միայնակ, ու կանգնած ենք երկընտրանքի առջև՝ պատվով մեռնել, կամ անպատիվ ապրել։ Ու որևէ պետություն պատրաստ չէ մեզ առարկայական աջակցություն ցույց տալ։ Բացի կոչերից ու հորդորներից այլ բանի չսպասեք։ Հայաստանը ոչ ոքի այդքան հետաքրքիր չէ, որ մեզ համար դուրս գան ռուսների դեմ։
Կեղծ օրակարգ է նաև այն, որ այս պահին Փաշինյանի հրաժարականով որևէ բան կարող է փոխվել, նախ՝ ռուսները թույլ չեն տա բացի Քոչարյանից որևէ մեկը գա իշխանության, իսկ վերջինս էլ հիմա չի ուզում գալ իշխանության, իշխանությունն ուզում ա միայն բոլոր հնարավոր զիջումներից հետո»։