«Ես ինքս չեմ գոռացել «Բ-ի տղա, Նիկոլ», բայց դա չի նշանակում, որ համաձայն չեմ այդ բնութագրման հետ». Բագրատ Եսայան

«Ճիշտն ասած՝ ես լավ չեմ հասկանում, թե ինչու եմ ներգրավված այս գործում, որովհետև մեղքի որևէ անհատականացում այս քրեական գործում չկա, ընդամենը մեկ ոստիկան, քրեական գործի հարուցումից, կոնկրետ մեղադրյալների ներգրավումից ամիսներ հետո հանկարծ հիշել է, որ ինքը ինձ տեսել է այնտեղ՝ այդ արտահայտությունը վանկարկելիս»,- Երևան քաղաքի առաջին ատյանի ընդհանուր իրավասության դատարանի մոտ, լրագրողների հետ զրույցում, նշել է ՀՅԴ անդամ Բագրատ Եսայանը՝ անդրադառնալով ՀՀ գլխավոր դատախազության մոտ տեղի ունեցած ակցիային, որի ժամանակ, ըստ մեղադրանքի, նման արտահայտություն են հնչեցրել մի խումբ անձինք:

«Իբր գոռացել եմ՝ «Բ-ի տղա, Նիկոլ», բայց ես ինքս չեմ գոռացել, որովհետև սովորություն չունեմ հասարակության մեջ էդպիսի արտահայտություններ անելու, որը ամենևին չի նշանակում, որ ես համաձայն չեմ այդ բնութագրման հետ»,- հավելել է քաղաքական գործիչը: