«ԱԳՆ-ն գոնե կարող է չէ՞ Միջազգային իրավունքի խորհրդատվական կոմիտե ձևավորել». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է․ «ԱԳՆ-ն գոնե կարող է չէ՞ Միջազգային իրավունքի խորհրդատվական կոմիտե ձևավորել՝ մասնագետների ներգրավմամբ, որը Հայաստանի արտաքին քաղաքականության օրակարգային հարցերի վերաբերյալ կմշակի և կներկայացնի վերլուծություններ ու առաջարկություններ միջազգային իրավունքի հիման վրա հնարավոր գործողությունների և դրանց ենթադրյալ արդյունքների վերաբերյալ։ Ի վերջո դա հիմա մասնագիտական ներուժի համախմբման, ներդրման հրատապ միջոց ու մեխանիզմ կարող է լինել։
Նման խորհրդատվական մարմիններ ստեղծված են ամենակայացած ու ամենազարգացած պետություններում»: