«Լրատվությունից զրկված հայ հանրությունը հայացքն ուղղում է թշնամական պետության տեղեկատվական աղբյուրներին»․ Գեղամ Մանուկյան

«Աննախադաեպ մի երևույթ է տեղի ունենում ՀՀ պաշտպանական ոլորտում, երբ հանրությունը զրկվում է ամբողջական լրատվություն ստանալու հնարավորությունից և տվյալ պարագայում հայացքն ուղղում է թշնամական պետության տեղեկատվական աղբյուրներին»,- այսօր՝ պաշտպանության և անվտանգության հարցերի մշտական հանձնաժողովի արտահերթ նիստում, հայտարարեց «Հայաստան» խմբակցության պատգամավոր Գեղամ Մանուկյանը։
«Էդ ձեզ սպասարկող լրատվամիջոցներն են հայացքն ուղղում ադրբեջանական լրատվամիջոցներին և ամեն մի զազրելի բան բերում, մտցնում հայկական լրատվական դաշտ, ձեր ներկայացրած պաշտպանության հանձնաժողովի նախագահի տեղակալի թեկնածուն է, որ իր էջում կիսվում է ապատեղեկատվությամբ»,- ի պատասխան ասաց ՔՊ-ական Վահագն Ալեքսանյանը։