«Եթե հստակ տվյալներ ունենայի, որ Փաշինյանը թշնամուց 5 մլրդ դոլար է ստացել, ամբողջությամբ կհրապարակեի». Ա. Վանեցյան

«Եթե հստակ տվյալներ ունենայի, որ Փաշինյանը թշնամուց 5 մլրդ դոլար է ստացել, կամ այդ 5 միլիարդը եղել է այն թեման, որը որոշիչ դեր է խաղացել Արցախյան երրորդ պատերազմի արդյունքների վրա, հավատացեք՝ ամբողջությամբ տեղեկատվությունը կհրապարակեի»,- լրագրողների հետ հանդիպման ժամանակ ասաց «Պատիվ ունեմ» խմբակցության ղեկավար Արթուր Վանեցյանը՝ անդրադառնալով աղմկահարուց 5 միլիարդի թեմային: «Դուշանբեում Փաշինյանի ու Ալիևի հանդիպումից հետո հայտարարվեց, որ նրանց միջև հաստատվել է օպերատիվ կապ ու այն իրականացնելու են հատուկ ծառայությունների ղեկավարները: Օպերատիվ կապը երբեք գաղտնի չի եղել, եղել են հրապարակումներ և, այո՛, ես հանդիպել եմ Ադրբեջանի իմ պաշտոնակցի հետ, նաև հեռախոսակապ է եղել՝ գրեթե մշտական: Ինձնից բացի Փաշինյանն ունեցել է ևս մեկ անձ, ով մինչ օրս պաշտոնավարում է: Դիմեք կառավարությանը, թող պատասխանեն... Այդ պաշտոնյան մինչ օրս պաշտոնավարում է»,- հավելեց նա: