Շաբաթ, 22 հունվարի, 2022 թ.
|
Ստեփանակերտում`   +5 °C

«Ոսկեպար, Կողբագետ, Աղստև, Քարահան, Հախում և այլ գետերի ջրերը հոսում են Ադրբեջան»․ Ոսկան Սարգսյան

«Ոսկեպար, Կողբագետ, Աղստև, Քարահան, Հախում և այլ գետերի ջրերը հոսում են Ադրբեջան»․ Ոսկան Սարգսյան
183
Ուրբաթ, 03 դեկտեմբերի, 2021 թ., 19:18

Լրագրող Ոսկան Սարգսյանի գրառումը․ «Ոսկեպար, Կողբագետ, Աղստև, Քարահան, Հախում և այլ գետերի ջրերը հոսում են Ադրբեջան, ոռոգում այդ երկրի տարածքները: Հարկ է Տավուշում ոռոգման ջրամբարներ կառուցել և ավելացնել մարզի ոռոգելի հողերը: 2017թ.-ին, այն ժամանակ Տավուշի մարզպետ Հովիկ Աբովյանը հայտարարեց, որ գոյություն ունի Տավուշում փոքր և միջին ջրամբարների կառուցման ծրագիր, ինքը վարչապետ Կարեն Կարապետյանին Տավուշի մարզում 14 փոքր և միջին ջրամբարների կառուցման ծրագիր է ներկայացրել, որը հնարավորություն կտա մինչև 10 միլիոն խորանարդ մետր ջուր կուտակել, դրա շնորհիվ ոռոգելի կդառնա 4 հազար հեկտար տարածք: Այդ ջրամբարների կառուցման ընդհանուր ծախսը կազմելու էր 8 միլիարդ 450 միլիոն դրամ: Մարզպետը հայտարարեց, որ կառուցվելիք Հախումի և Կողբի ջրամբարներում նախատեսվում է կուտակել 2 միլիոն խորանարդ մետր ջուր, որ փոքր և միջին ջրամբարներ կառուցելու համար անհրաժեշտ ֆինանսների խնդիրը լուծելու նպատակով մտադիր են ներգրավել նաև մասնավոր ներդրողների: Եղավ 2018թ․-ի գարնան թավշյա հեղափոխություն կոչված իշխանափոխութունը, Կողբի և Հախումի ջրամբարները չկառուցվեցին, մեր գետերի ջրերը շարունակում են հոսել Ադրբեջան, ոռոգել ոչ բարի հարևանի դաշտերն ու այգիները»:

Աղբյուրը`   Ոսկան Սարգսյան