Շաբաթ, 22 հունվարի, 2022 թ.
|
Ստեփանակերտում`   +5 °C

«Կամավոր աշխատանքն օրենքով պաշտպանելու անհրաժեշտություն ունի»․ նախարար

«Կամավոր աշխատանքն օրենքով պաշտպանելու անհրաժեշտություն ունի»․ նախարար
243
Կիրակի, 05 դեկտեմբերի, 2021 թ., 20:48

Աշխատանքի և սոցիալական հարցերի նախարար Նարեկ Մկրտչյանի գրառումը. «Կարևորելով կամավորության ինստիտուտի և կամավոր աշխատանքի արժեքը՝ դեկտեմբերի 5-ը նշվում է որպես Կամավորների միջազգային օր։
Մեզանում, ցավոք, կամավոր աշխատանքի հետ կապված հարաբերություններն ունեն օրենսդրական ոչ լիարժեք կարգավորումներ, ինչն էլ խոչընդոտում է ոլորտի կայացմանը: Այս ուղղությամբ Հայաստանում քայլեր իրականացվում են դեռ 2000-ականների սկզբից, որոնք, սակայն, առայժմ չեն հանգեցրել շոշափելի արդյունքի։
Ընդգծելով կամավոր աշխատանքն օրենքով պաշտպանելու անհրաժեշտությունը՝ նշեմ, որ ՀՀ վարչապետի աշխատակազմ արդեն իսկ ներկայացվել է «Կամավորական գործունեության և կամավոր աշխատանքի մասին» ՀՀ օրենքի նախագիծը։ Վերջինիս ընդունմամբ կամրագրվեն կամավորական գործունեության և կամավոր աշխատանքի ամբողջական և միասնական օրենսդրական կարգավորումները, կհստակեցվեն ինստիտուտի կայացման համար անհրաժեշտ պայմաններն ու մեխանիզմները:
Սրանով մենք կստեղծենք համապատասխան հիմքեր՝ հարթելու կամավոր աշխատանքներում ներգրավվելու գործընթացքում առկա խոչընդոտներն ու կամավորության ներուժը ծառայեցնելու՝ ի նպաստ առաջընթացի»:

Աղբյուրը`   Նարեկ Մկրտչյան