««ՔՊ»-ն շարունակում է իր պարտությունների շղթան». Արթուր Խաչատրյան

«ՏԻՄ ընտրություններին ամենալավ գնահատականը արդյունքների առումով, թերևս, տվել է Նիկոլ Փաշինյանը՝ ընդունելով, որ ՔՊ-ն ձախողել է այս ընտրություններում... հիշեցնեմ, որ իրենք մոբիլիզացրել էին իրենց ողջ վարչական ռեսուրսը, բայց այս ամենով հանդերձ, իրենք պարտվել են»,-այսօր ԱԺ «Հայաստան» խմբակցության հրավիրած մամուլի ասուլիսի ժամանակ նշեց պատգամավոր, ՀՅԴ անդամ Արթուր Խաչատրյանը:

«36 խոշորացված համայնքներից ընդամենը 15-ում է ՔՊ-ն կարողացել հավաքել այնքան ձայն, որ կարողանա միանձնյա իշխանություն ձևավորել, իսկ 21 համայնքներում ոչ իշխանական ուժերը 8-ում միանձնյա, իսկ 13-ում կոալիցիայով կարող են կազմել մեծամասնություն»,- ասաց պատգամավորը՝ հավելելով, որ իշխանությունը 2021-ին կորցրեց 200 հազարից ավելի ձայն և շարունակում է իր պարտությունների շղթան: