«Մոսկվայում կայանալիք նիստին ՀՀ մասնակցությունը նպատակ ունի բալանսավորել Վաշինգթոնի հրավերը բարձր մակարդակով ընդունելու որոշումը». Հակոբ Բադալյան

Քաղաքական մեկնաբան Հակոբ Բադալյանի գրառումը. «Հայաստանը վարչապետի մակարդակով կմասնակցի ԱՄՆ նախագահի կազմակերպած Ժողովրդավարության պաշտպանության Վեհաժողովին: Զուգահեռ, դեկտեմբերի 10-ին Մոսկվայում կլինի ԱԳՆ փոխնախարարների մակարդակով, այսպես ասած, 3+3-ի հանդիպում, բայց 3+2 ձևաչափով՝ Վրաստանը չի մասնակցի:

Վրաստանի դիրքորոշման առումով արտահայտվել եմ մի քանի անգամ: Թբիլիսիի համար խնդիրն առավելապես ներքաղաքական է:

Դեկտեմբերի 10-ին Մոսկվայում կայանալիք նիստին Հայաստանի մասնակցությունը, ըստ ամենայնի, ունի նպատակ բալանսավորել Վաշինգթոնի հրավերը բարձր մակարդակով ընդունելու որոշումը՝ հաշվի առնելով Բայդենի նախաձեռնության հանդեպ Կրեմլի վերաբերմունքը»: