«Մի՛ ասեք, որ դա պատահականություն է»․ Արթուր Խաչատրյան

«Չեմ կարող չարձանագրել այն, ինչ տեղի է ունենում Վարդենիսում․ ՏԻՄ ընտրություններում հավանաբար ոչ բաղձալի արդյունք գրանցելուց հետո մեկ էլ հանկարծ քրեական գործ է հարուցվում ընդդիմադիր բլոգերից մեկի ղեկավարի նկատմամբ, ովքեր մեծամասնություն էին ստացել ընտրություններում»,- այսօր ԱԺ ամբիոնից դիմելով ԱԺ իշխանական թևին՝ հայտարարեց «Հայաստան» խմբակցության պատգամավոր Արթուր Խաչատրյանը։
«Միայն խնդրում եմ մի՛ ասեք, որ դա պատահականություն է, մի՛ ասեք, որ դա Հայաստանում, մեղմ ասած, ոչ ժողովրդավարական զարգացումների ևս մեկ դրսևորում չէ։ Այն, ինչ տեղի է ունենում Վարդենիսում խիստ արգահատելի է և երկրի և սերունդների նկատմամբ հանցագործություն է»,- ասաց նա։