Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Դատախազության բացթողումն էապես թուլացրեց «Հայաստան» դաշինքի պատգամավորների քրեական հետապնդման հիմնավորվածությունը». Դանիել Իոաննիսյան

«Դատախազության բացթողումն էապես թուլացրեց «Հայաստան» դաշինքի պատգամավորների քրեական հետապնդման հիմնավորվածությունը». Դանիել Իոաննիսյան
464
Ուրբաթ, 10 դեկտեմբերի, 2021 թ., 12:36

ԻՔՄ համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Խնդիրը ոչ թե ՍԴ-ում է, այլ Դատախազությունում. Սահմաանդրական դատարանի՝ պատգամավոր դարձած անձանց անձեռնամխելիության վերաբերյալ երեկվա որոշումը ոչ միայն հիմնավոր է, այլև ակնհայտորեն կանխատեսելի: Սահամանդրության 96-րդ հոդվածի կարգավորումները բավականին հստակ են, տրամաբանական ու երկակի ընթերցման տեղ չունեն:

Դեռևս հուլիսի 19-ին այս թեմայով ԶԼՄ-ներին տվել եմ մեկնաբանություն առ այն, որ Դատախազությունը պետք է գնա Ազգային ժողով ու ստանա «Հայասատան» դաշինքի ցուցակով պատգամավոր դարձած անձանց անազատության մեջ պահելը շարունակելու համաձայնություն:

Սա չի նշանակում, որ պատգամավոր դարձած անձինք չեն կատարել իրենց մեղսագրվող հանցագործությունները (դրանց մի մեր դիտորդներն են բացահայտել), բայց Դատախազության այս բացթողումն էապես թուլացրեց «Հայաստան» դաշինքի այդ մի քանի պատգամավորների քրեական հետապնդման հիմնավորվածությունը»:

Աղբյուրը`   Դանիել Իոաննիսյան