Նազարբաևը համարում է, որ Ադրբեջանը կարող է լինել ԵԱՏՄ դիտորդ

Ինչպես արդեն հայտնել ենք ընթանում է Եվրասիական բարձրագույն տնտեսական խորհրդի առցանց նիստը, որին մասնակցում է վարչապետ Նիկոլ Փաշինյանը։

Նիստում Ղազախստանի նախկին նախագահ Նուրսուլթան Նազարբաևը նշեց, որ հնարավոր է համարում Եվրասիական տնտեսական բարձրագույն խորհրդի կողմից Ադրբեջանի հետ բանակցելը, որպեսզի Ադրբեջանը դառնա ԵԱՏՄ դիտորդ։

«Սրտանց ողջունում եմ Հայաստանի և Ադրբեջանի միջև հարաբերությունների կարգավորումը երկարամյա տարաձայնությունից հետո։ Ես կարծում եմ, որ մենք բոլորս այդպես ենք մտածում։ Ուզբեկստանի օրինակը պետք է ոգեշնչող լինի Ադրբեջանի համար»,- նշեց Նազարբաևը։