«Այդ փուլը կարող է ԽՍՀՄ վերականգնման կեղծ գործընթացի ձևն ընդունել». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «ԱՄՆ-ին, ԵՄ-ին ու ՆԱՏՕ-ին հասցեագրված ռուսական առաջարկների մերժումը, հավանաբար, կհանգեցնի աշխարհաքաղաքական զարգացումների կարևոր, բայց կարճաժամկետ ու բախումներով և ցնցումներով հղի միջանկյալ մի փուլի մեկնարկին: Պայմանականորեն այն կարող ենք կոչել ռուսական ռազմաքաղաքական նախագծի գործարկման շրջան: Կրկին, խիստ պայմանականորեն, այդ փուլը կարող է ԽՍՀՄ վերականգնման կեղծ գործընթացի ձևն ընդունել: Գործընթացի մեկնարկը կհամընկնի Նազարբաևի դարաշրջանի ավարտի հետ: Մեկ-երկու տարվա ընթացքում այն կարող է հանգեցնել նաև իշխանափոխության Ադրբեջանում»: