«Քաղաքապետարանում այսօր կա համակարգային կոռուպցիա՞»․ Պետրոս Ղազարյան

«Մենք կարդացինք ավագանու հայտարարությունը, որտեղ նշված է, թե ինչու են ուզում հեռանա Մարությանը։ Էնտեղ կարդացի, որ՝ «Հայկ Մարությանը բավարար չափով չի իրականացրել և չի իրականացնում Երևանի քաղաքապետարանից համակարգային կոռուպցիայի վերացման կարևորագույն առաքելությունը»․ այսինքն՝ քաղաքապետարանում այսօր կա համակարգային կոռուպցիա՞»,- Հ1-ի տաղավարում, քաղաքապետի թեկնածու Հրաչյա Սարգսյանի հետ զրույցի ընթացքում, նման հարց բարձրացրեց հարցազրուցավար Պետրոս Ղազարյանը։

Պատասխանելով հարցին, Հ․ Սարգսյանն ասաց․ «Մենք Երևանում ենք բնակվում, և կարծում եմ, տարբեր խոսակցություններ և ասեկոսեներ կան։ Կարծում եմ՝ քանի մեր իրավապահ մարմինները որպես այդպիսին բացահայտում չեն արել, կարող ենք արձանագրել, որ համակարգային կոռուպցիա չկա, բայց կարծում եմ՝ պետք է բավականին փոփոխություններ իրականացնենք, որպեսզի, եթե դրանք բամբասանքներ են կամ իրականություն են, այդ մեխանիզմների միջոցով, այդ կոռուպցիոն սխեմաներն ընդհանրապես հնարավոր չլինի իրագործելու»։