«Կարդալով ձեր հայտարարությունը՝ մտքիս մեջ պտտվում էր «Խելքից պատուհաս» ստեղծագործությունը». Իզաբելլա Աբգարյան

«Այսօր ձեր բերած նախագիծով հայտարարում եք՝ որոշողը դուք չեք, որոշողը ՔՊ-ն է: Այստեղ ես ձեզ ուզում եմ ասել՝ դուք շատ մեծ սխալ եք անում, որովհետև դուք ոչ թե քաղաքապետին եք վատություն անում և հեռացնում, այլ հեռացնում եք երևանցիներին՝ որոշում կայացնելու հնարավորությունից»,- ավագանու արտահերթ նիստի իր ելույթում ասաց Երևանի ավագանու անդամ Իզաբելլա Աբգարյանը:

«Կարդալով ձեր հայտարարությունն անընդհատ մտքիս մեջ պտտվում էր «Խելքից պատուհաս» ստեղծագործությունը՝ իր հայտնի հերոսի բառերով: Իսկ ովքե՞ր են դատավորները: Այսօր դուք դատավոր եք՝ չներկայացնելով հանրությանը փաստացի ապացույց, և փորձում եք մահապատժի ենթարկել մեկին: Այսօր դուք այնքան քաջություն չունեք, որ ձեր մեղքի բաժինն ընդունեք՝ ձեր նախընտրական ծրագրի չկատարված կետերի համար»,- ասաց Աբգարյանը: