«Պարո՛ն Սարգսյան, ես ձեզ չեմ մեղադրում, մի՛ ամաչեք». Թեհմինա Վարդանյան

«Դուք հիմա սև՞ եք, թե՞ սպիտակ»,- ավագանու նիստի ընթացքում՝ իր ելույթում, դիմելով քաղաքապետ Հայկ Մարությանին, հարցրեց «Լույս» խմբակցության անդամ Թեհմինա Վարդանյանը՝ նշելով, որ ՔՊ-ն այդ արտահայտությունն այսօր օգտագործում է նրա դեմ:

«Դեռևս որևէ քվերակություն չի եղել, բայց Մարությանի մասին անցյալ կատարյալով եք խոսում, շատ տգեղ է, նաև՝ բոլորն առերևույթ շնորհավորում են քաղաքապետի թեկնածու Հրաչյա Սարգսյանին: Նկատեցի, որ Հ. Սարգսյանը՝ գլուխը կախ, ձեռքերով երբեմն դեմքը փակած՝ նստած է: Պարոն Սարգսյան, ես ձեզ չեմ մեղադրում, որևէ մեկը ձեզ չի՛ մեղադրում, մի՛ ամաչեք շատ ու շատերի ելույթներից»,- շարունակեց Թ. Վարդանյանը՝ շեշտելով, որ չի ուզում մասնակիցը դառնալ ՔՊ-ի կրկեսին: