«Հիմնավորե՛ք՝ ինչո՞ւ եք ուզում Հայկ Մարությանին փոխել Հրաչյա Սարգսյանով». իմքայլական

«Իմ քայլը խմբակցությունը շատ է շեղվել հեղափոխության արժեքներից»,- ավագանու արտահերթ նսիտի իր ելույթում ասաց իմքայլական Էռնեստ Ավանեսովը՝ նշելով, որ շատ կցանկանար քվեարկությունը բաց լիներ և երևանցիները իմանային՝ ովքեր են կողմ կամ դեմ քվեարկում։

«ՔՊ վարչությունը որոշել է, որ դա է ամենալուրջ խնդիրը, փորձում են քաղաքապետ Հայկ Մարությանից հրաժարվել։ Նախագծի կետերը՝ համոզիչ չեն։ Ելույթները հիմնականում արդարացում են, քան հիմնավորում։ Հիմնավորեք քաղաքացիներին, որպեսզի հասկանան, ինչո՞ւ եք ուզում Հայկ Մարությանին փոխել Հրաչյա Սարգսյանով»,- ասաց նա:

Է. Ավանեսովը նշեց, որ մեծ մասամբ «Իմ քայլը» խմբակցությունն ունի լուրջ խնդիրներ՝ կադրերի ընտրության առումով: