«Խաղաղության պայմանագիրը մեր կարևոր նպատակներից մեկն է»․ Փաշինյան

«Մենք, իհարկե, հետաքրքրված ենք խաղաղության պայմանագրի կնքման և այդ բանակցությունների մեկնարկով շահագրգռված ենք»,- այսօր՝ առցանց ասուլիսի ժամանակ ասաց ՀՀ վարչապետ Նիկոլ Փաշինյանը։

«Վերջերս էլ ԵԱՀԿ Մինսկի խմբի համանախագահները բանակցային մի օրակարգ էին առաջարկել, որի կետերից մեկը խաղաղ և համապարփակ կարգավորումներն էին»,- նշեց վարչապետը։

«Մենք շահագրգռված ենք և չենք հրաժարվել այդ թեմայով խոսելուց։ Եթե մենք հռչակել ենք, որ խաղաղ զարգացման դարաշրջան ենք ուզում բացել մեր երկրի և տարածաշրջանի համար, անտրամաբանական կլինի, որ ասենք՝ խաղաղ զարգացման դարաշրջան ենք ուզում բացել, բայց չենք ուզում լսել խաղաղության պայմանագրի մասին։ Խաղաղության պայմանագիրը մեր կարևոր նպատակներից մեկն է։ Մեծ հաշվով՝ բանակցությունները, որի մասին խոսում ենք, ինչի՞ մասին է․ խաղաղության պայմանագրի, նաև հնարավոր դրույթների, բովանդակության մասին ենք խոսում»,- նկատեց Փաշինյանը։