Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Հաղթահարված է ևս մեկ փորձություն». Տավրոս Սափեյան

«Հաղթահարված է ևս մեկ փորձություն». Տավրոս Սափեյան
399
Կիրակի, 26 դեկտեմբերի, 2021 թ., 20:54

Թալին համայնքի ղեկավարի ՔՊ-ական թեկնածու Տավրոս Սափեյանը հայտարարություն է տարածել. «Սիրելի՛ հայրենակիցներ, հարգելի՛ քաղաքացիներ, այլևս հաղթահարված է ևս մեկ փորձություն՝ դատական հայց՝ Վարչական դատարանի: Հայցով դատարան էին դիմել «Զարթոնք» քրիստոնեական, «Հայք» լիբերալ կուսակցությունների, «Մեր համայնքը» դաշինքի խմբակցությունների ավագանու անդամները:

Եթե ընդդիմությունը ավագանու առաջին նիստի ընթացքում ականատես չի եղել ընթացակարգային որևէ խախտման, ապա ի՞նչ նպատակ ուներ դատական հայցը:
Այդ քայլը նպատակ ուներ արդարացնելու այս խմբակցությունների ավագանու անդամների նիստերին չներկայանալը, համայնքի բնականոն կյանքին խոչընդոտելը:

Վերջապես ոչ մեկի արտոնությունը չէ համայնքապետի պաշտոնը: Որոշողը ժողովուրդն է, ով իր կարծիքը հայտնել է դեկտեմբերի 5-ի քվեարկությամբ: Եվ եթե քարոզարշավի ընթացքում հնչած խոստումները պարզ մանիպուլիացաներ չէին, ապա սեփական ընտրողներին կարելի է ծառայել արդյունավետորեն նաև ավագանու անդամի կարգավիճակով՝ համաձայն խոստմանը»: