Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Ալիևի զառանցանքներին պատասխան տրվելո՞ւ է, թե՞ ոչ». Նորայր Նորիկյան

«Ալիևի զառանցանքներին պատասխան տրվելո՞ւ է, թե՞ ոչ». Նորայր Նորիկյան
376
Հինգշաբթի, 30 դեկտեմբերի, 2021 թ., 19:00

«Արդար Հայաստան» կուսակցության նախագահ Նորայր Նորիկյանը ֆեյսբուքյան իր էջում գրել է. «Ալիևի նման մեծամիտ ու ամբարտավան մարդու զառանցանքներին պատասխան տրվելո՞ւ է, թե՞ ոչ. Ադրբեջանի նախագահ Իլհամ Ալիևն այդ երկրի կրթության նախարարությանը կարգադրել է պատրաստել և իրականացնել միջոցառումների ծրագիր՝ կապված Իրիվանի ուսուցչական սեմինարիայի 140-ամյակի հետ:

Ալիևն ընդգծել է, որ «Իրիվան քաղաքը վայելում էր ամենախոշոր գիտական, լուսավորչական և մշակութային կենտրոններից մեկի փառքը, որտեղ պատմականորեն ապրել է ադրբեջանցի բնակչություն:

Քաղաքում ձևավորվել է չափազանց հարուստ գիտական-մշակութային միջավայր, որը պատկանել է ադրբեջանցի ժողովրդին:

Ես չեմ հասկանում՝ այս մեծամիտ ու ամբարտավան, զավթիչի հոգեբանությամբ տառապող մարդու զառանցանքներին, ի վերջո, պատմական, գիտական, ակադեմիական, քաղաքագիտական, ինչպես նաև քաղաքական ամենաբարձր մակարդակով պատասխան տրվելո՞ւ է, թե՞ ոչ։

Լա՛վ, որքա՞ն կարելի է հանդուրժել սրանց նենգափոխման ու զավթման քաղաքականությունը։

Անցած տասնամյակներում մենք անլուրջ վերաբերվեցինք սրանց զառանցանքներին, իսկ նրանք արդեն մտածում են Երևանը գրավելու մասին․․.»:

Աղբյուրը`   Նորայր Նորիկյան