Ղազախստանի նախագահը դիմել է ՀԱՊԿ-ին

Ղազախստանի նախագահ Կասիմ-Ժոմարտ Տոկաևը հայտարարել է, որ դիմել է ՀԱՊԿ-ի պետությունների ղեկավարներին՝ խնդրելով աջակցել Ղազախստանին «ահաբեկչական սպառնալիքի» հաղթահարման գործում:
Նրա բնորոշմամբ՝ «ահաբեկչական խմբավորումները» հսկողության տակ են վերցնում երկրի ենթակառուցվածքները։
«Իրականում սա այլևս միայն սպառնալիք չէ, սա պետության ամբողջականության խաթարում է, և ամենակարևորը ՝ հարձակում մեր քաղաքացիների վրա, որոնք խնդրում են ինձ՝ որպես պետության ղեկավարի, շտապ կարգով օգնություն ցուցաբերել նրանց»- նշել է Ղազախստանի նախագահը:
Նա հավելել է, որ Ղազախստանում բողոքի ակցիաները պետք է դիտարկել՝ որպես ագրեսիայի տարածում, ուստի ՀԱՊԿ-ին դիմելը տեղին և ժամանակին է համարում: