«Ասում ենք՝ Կրիմ նաշ ու մուննաթ ենք գալիս, որ Ուկրաինան մեր թշնամուն է պաշտպանում»․ Սյուզաննա Սիմոնյան

«Կանայք հանուն ժողովրդավարության» ՀԿ-ի ղեկավար Սյուզաննա Սիմոնյանի գրառումը․ «Ախր, շատ լավն ենք, է՛: Ուկրաինայի դեմ տարիներով քվեարկում ենք ի շահ Ռուսաստանի, հետո էլ ասում ենք՝ Կրիմ նաշ, նկատի ունենալով Ռուսաստանին, ու մուննաթ ենք գալիս, որ Ուկրաինան մեր թշնամուն է պաշտպանում: Վրաստան-Ռուսաստան հակամարտության մեջ Ռուսաստանին ենք մի գլուխ պաշտպանում, ու էլի ենք զարմանում, թե ինչու վրացիները իրենց հարևանին չեն պաշտպանում, երբ հարկ է լինում: Հետո զորք ենք ուղարկում Ղազախստան հանուն մեծն Ռուսիայի ու դեռ զարմանում ենք շատ, որ ղազախները մեր դեսպանատունն են ուզում պայթեցնել: Ախր, մենք շատ անմեղ ենք, ու ստիպված միայն մուննաթ ենք գալիս: Մուննաթ, մուննաթ, մուննաթ: Մուննաթի երկիր Հայաստան: Բոլորը մեզ պարտք են, իսկ մենք միայն ռուսին ենք պարտք: Հա, չմոռանանաք նաև Արևմուտքին: Էդ փիս արևմուտքը հեչ չի հասկանում, որ իրենք մեզ պարտք են, քանի որ մենք միայն ռուսին ենք պարտք»: