«Ռուսաստանը հիմա, քան երբևէ, անկանխատեսելի է». Լյովա Եղիազարյան

«Հանրապետություն» կուսակցության անդամ Լյովա Եղիազարյանի գրառումը․ «Իհարկե, Հայաստանն ապագա չունի Ռուսատանի հետ։ Իհարկե, նրա հետ վտանգված է Հայաստանի ինքնիշխանությունը, անվտանգությունը և տնտեսության հզորացումը։ Այն ապացուցվել է պատմականորեն, երկու հարյուր տարվա ընթացքում ու նաև վերջին պատերազմում ու նրանից հետո։ Երկրի ապագան ապահով է եվրոպական ընտանիքում, համամարդկային արժեքների պայմաններում։ Բայց այս պահին մերժել ՀԱՊԿ-ի, նույն է՝ ռուսների առաջարկը, նշանակում էր հարցականի տակ դնել Արցախի և Հայաստանի ապագայի հեռանկարը։ Ռուսաստանը հիմա, քան երբևէ, անկանխատեսելի է»։