«Կցանկանայի, որ այս հարցին պատասխաներ ներկաների մեջ նախկինների կարկառուն դեսպանորդ Վլադիմիր Վարդանյանը»․ Հայկ Դեմոյան

ՀՀ ԳԱԱ Հայոց Ցեղասպանության թանգարան-ինստիտուտի նախկին տնօրեն, պատմական գիտությունների դոկտոր Հայկ Դեմոյանը ֆեյսբուքյան իր էջում գրել է. «Շատ կցանկանայի, որ Չինաստանի կոմունիստական կուսակցության 100-ամյակի առիթով ՀԱՅՓՈՍՏ-ի թողարկած նամականիշի հարցը քննարկվեր հենց խորհրդարանում։ Ի վերջո գործ ունենք ՊԵՏԱԿԱՆ վճարման միջոցի հետ, որի վրա գրված է ՀԱՅԱՍՏԱՆ և նշված է արժեք՝ ՀՀ դրամով։ Հարցը շատ պարզ է․ ինչու հայկական նամականիշ պետք է թողարկվի մեկ այլ երկրի կուսակցության հոբելյանի առիթով և այդ երկրի պետական խորհրդանշաններով։ Ես նույն կերպ դեմ կլինեմ, եթե հայկական պետական վճարման միջոցը հիշատակի որևէ այլ երկրի կուսակցության հիմնադրման ամյակը։
Նույն հաջողությամբ վաղը հայկական նամականիշ կարող է թողարկեն, ասենք, Բոթսվանայում կայացած մարդակերների համաշխարհային հինգերորդ կոնգրեսի առիթով։ Պատկերացնում եք ինչ լոգո կունենա այդ կոնգրեսը․․․
Շատ կցանկանայի, որ այս հարցին պատասխաներ Ազգային ժողովի պետաիրավական հարցերի մշտական հանձնաժողովի նախագահ, ներկաների մեջ նախկինների կարկառուն դեսպանորդ Վլադիմիր Վարդանյանը։ Ի դեպ, բոլորովին էլ պարտադիր չէ, որ այս հարցին, սովորույթի համաձայն, պատասխանի ուսանողի ձայնով․․․»։