Ուրբաթ, 21 հունվարի, 2022 թ.
|
Ստեփանակերտում`   -8 °C

«Իշխանությունը բանակն ուժեղացնելու փոխարեն, է՛լ ավելի է աղքատացնում և ջախջախում»․ Կարինե Հարությունյան

«Իշխանությունը բանակն ուժեղացնելու փոխարեն, է՛լ ավելի է աղքատացնում և ջախջախում»․ Կարինե Հարությունյան
86
Չորեքշաբթի, 12 հունվարի, 2022 թ., 18:06

Լրագրող Կարինե Հարությունյանի գրառումը․ «Էս օրերին շատ եմ մտածում բանակի մասին, հետո նեգատիվ մտքերս վանում եմ, հետո նորից են գալիս, էլի եմ վանում... մինչև հերթական զոհ(եր)ը, որից հետո մտքերս վերադառնում ու պինդ նստում են գլխումս:
Բանակը ջախջախված-քայքայված-ջլատված վիճակում է:
Սա, հավանաբար, նորմալ է պատերազմում պարտություն կրած երկրի բանակի համար:
Բայց երբ այդ իրավիճակը է՛լ ավելի է բարդանում իշխանության քայլերով, անհուսալի է դառնում:
Իշխանությունը, որը գերի է դատում՝ դասալիքի կամ գերեվարվելու նախընտրության կեղծ թեզ նետելով հանրային դաշտ, է՛լ ավելի է ջլատում բանակը:
Իշխանությունը, որ բանակն ուժեղացնելու փոխարեն իր գոտիներն է լայն արձակում, է՛լ ավելի է աղքատացնում բանակը:
Իշխանությունը, որը պաշտպան չի կանգնում իր զինվորին՝ դիվանագիտության ճանապարհով, է՛լ ավելի է ջախջախում բանակը»: