«Այն, որ ընդդիմության սադրիչ պահվածքը և փոխխոսնակի արձագանքը չեն կարող չարտացոլվել բանակցությունների վրա, կասկածից վեր է»․ Նավասարդյան

Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է. «Այսօր համոզվեցի, որ Թուրքիյաի հետ բանակցություններում ՀՀ ներկայացուցչի առաքելությունը անհամատեղելի է ԱԺ-ում երկրորդ դեմքի կարգավիճակի հետ։ Դրան անդրադարձել էի նաև դեկտեմբերի 21-ին։ Այն, որ Ռուբեն Ռուբինյանի նկատմամբ ընդդիմության ագրեսիվ, սադրիչ պահվածքը և փոխխոսնակի համապատասխան արձագանքը չեն կարող չարտացոլվել բանակցություններում իր արդյունավետ մասնակցության և հակառակ կողմի վերաբերմունքի վրա, կասկածից վեր են։ Նման գործը, ինչպիսին է հայ-թուրքական կարգավորումը, հանգիստ է սիրում․․․»։