Ուրբաթ, 21 օգոստոսի, 2026 թ.
|
Ստեփանակերտում`   +28 °C

«Առողջապահության նախարարի հրամանն օրենք չէ և հակասում է Սահմանադրությանը». փաստաբան

«Առողջապահության նախարարի հրամանն օրենք չէ և հակասում է Սահմանադրությանը». փաստաբան
706
Կիրակի, 23 հունվարի, 2022 թ., 13:24

Փաստաբան Լևոն Բաղդասարյանը հայտարարություն է տարածել. «Հունվարի 22-ից գործում է հանրային սննդի, մշակույթի և նմանատիպ այլ օբյեկտներում սահմանափակումներն այն անձանց համար, ովքեր պատվաստված չեն կամ չունեն բացասական տեստի արդյունք։
Հիմնական օրենքի, սահմանադրության ուժով, անձանց տեղաշարժվելու իրավունքը կարող է սահմանափակվել բացառապես օրենքով։ Առողջապահության նախարարի հրամանն օրենք չէ և հակասում է սահմանադրությանը, իսկ սահմանադրության ուժով, եթե իրավական ակտերը հակասում են սահմանադրությանը, գործում է սահմանադրական նորմը։
ՀՀ քաղաքացիական օրենսգրքով օրենսդիրը հնարավորություն է տալիս ֆիզիկական և իրավաբանական անձանց ինքնապաշտպանվելու ինչպես անօրինական իրավական ակտերից, այնպես էլ անօրինական գործառույթներից։
ՀՀ կառավարությունը, եթե գտնում է, որ անձանց տեղաշարժը ենթակա է սահմանափակման, այն պետք է կարգավորի օրենքի ուժով, այլ ոչ թե նախարարի անհատական իրավական ակտով»։

Աղբյուրը`   Գարունա Բաղդասարյան