Դահուկներով սահելիս՝ կորցրել է կառավարումը, դուրս եկել դահուկուղուց․ մանրամասներ

ՀՀ քննչական կոմիտեի Կոտայքի մարզային քննչական վարչությունում միջոցներ են ձեռնարկվում՝ 11-ամյա պատանու մահվան հանգամանքները պարզելու ուղղությամբ:
Նյութերի նախապատրաստման ընթացքում տվյալներ են ձեռք բերվել, որ 2022թ. փետրվարի 5-ին՝ ժամը 15:30-ի սահմաններում, Ծաղկաձոր քաղաքում դահուկներով սահելիս, 11-ամյա պատանին կորցրել է կառավարումը, դուրս եկել դահուկուղուց, բախվել արգելապատնեշի սյանը և գիտակցության չգալով՝ մահացել:
Այս մասին հայտնում է ՀՀ ՔԿ-ն՝ տեղեկացնելով․ որ նշանակվել է դիակի դատաբժշկական փորձաքննություն: