«Հայոց ցեղասպանության միջազգային ճանաչումը շարունակո՞ւմ է մնալ որպես ազգային նպատակ». հարց՝ ԱԳ նախարարին

«ՀՀ կառավարությունը հետևողականորեն շարունակում է իրականացնել բոլոր այն քայլերը, որոնց վերաբերյալ հանձնառությունը ստացել է կառավարության ծրագրում, որը հաստատվել է այս խորհրդարանի կողմից»,- պատասխանելով «Հայաստան» խմբակցության պատգամավոր Արծվիկ Մինասյանի՝ Հայոց ցեղասպանության միջազգային ճանաչման վերաբերյալ հարցին, ասաց ԱԳ նախարար Արարատ Միրզոյանը։

«Այդ ծրագրում հստակ արձանագրված է, որ ՀՀ-ն շարունակելու է իր ջանքերն ինչպես Հայոց ցեղասպանության ճանաչման, այնպես էլ մարդկության դեմ այդ հանցագործության հետագա դրսևորումների կանխմանը»,- նշեց նախարարը՝ շարունակելով․ «Մենք դիտարկում ենք Ցեղասպանության ճանաչումը որպես ՀՀ-ի, հայ ժողովրդի և տարածաշրջանային անվտանգության երաշխիք»։