«Հուսով եմ՝ բելառուսական կողմն այլևս կխուսափի Հայաստանի վերաբերյալ որևիցե գնահատական տալուց»․ Արմեն Գրիգորյան

ԱԽ քարտուղար Արմեն Գրիգորյանն այսօր՝ լրագրողների հետ ճեպազրույցում, անդրադառնալով Բելառուսի նախագահ Ալեքսանդր Լուկաշենկոյի Հայաստանի մասին արված հայտարարութուններին, նշեց, որ ՀՀ-ն արձագանքել է այդ հայտարարություններին, եղել է համապարփակ պատասխան։

«Հուսով եմ, որ նման միջադեպերից բելառուսական կողմը համենայնդեպս այլևս կխուսափի որևիցե գնահատական տալու Հայաստանի վերաբերյալ, որովհետև այդ գնահատականները որևիցե ձև չեն բխում Հայաստանի և Բելառուսի միջև գոյություն ունեցող հարաբերություններից»,- նկատեց նա։