Հնարավոր է՝ ադրբեջանական պատվիրակությունը ժամանի Երևան․ «Հրապարակ»

821

Չորեքշաբթի, 16 փետրվարի, 2022 թ., 09:42

«Հրապարակ» թերթը գրում է. «Եվրանեսթ խորհրդարանական վեհաժողովի բյուրոյի նիստերն այս տարի կանցկացվեն Երևանում՝ փետրվարի 19-22-ը։ Հայաստան կժամանեն վեհաժողովի քաղաքական, մարդու իրավունքների և ժողովրդավարության հարցերի, էներգետիկ անվտանգության հարցերի, տնտեսական ինտեգրման, իրավական մոտարկման ու ԵՄ քաղաքականությունների հետ համապատասխանեցման հարցերի, սոցիալական, զբաղվածության, կրթության, մշակույթի և քաղաքացիական հասարակության հարցերի մշտական հանձնաժողովների, Եվրանեսթ ԽՎ Եվրախորհրդարանի պատվիրակության և Արևելյան գործընկերության երկրների անդամները։

Որոշ տեղեկություններով՝ Ադրբեջանը նախնական հաստատում է տվել իր մասնակցության առթիվ, և հնարավոր է ադրբեջանական պատվիրակությունը ժամանի Երևան։ Միջոցառումը տեղի կունենա Մարզահամերգային համալիրում»:

Առավել մանրամասն՝ թերթի այսօրվա համարում