Արևմուտքում ՌԴ նախագահի որոշումն անվանել են Մինսկյան պայմանավորվածությունների խախտում

ՌԴ-ի կողմից Դոնեցկի ու Լուգանսկի ճանաչման որոշումը քննադատության է արժանացել արևմտյան առաջնորդների կողմից, հայտնում է Лента-ն:

ՆԱՏՕ-ի գլխավոր քարտուղար Յենս Սթոլթենբերգը հայտարարել է, որ այդ քայլը խաթարում է Ուկրաինայում իրավիճակի խաղաղ կարգավորմանը և խախտում Մինսկյան համաձայնագրերը:

ԱՄՆ նախագահ Ջո Բայդենը պատժամիջոցների մասին հրամանագիր է ստորագրել, որով արգելում է ամերիկացիներին ներդրումներ ու ֆինանսավորում կատարել ԼԺՀ-ում ու ԴԺՀ-ում:

Գերմանիայի ԱԳ նախարարը կոչ է արել Ռուսաստանին չեղարկել որոշումը:

Իտալիան ու Ավստրիան ևս հայտարարել են, որ ճանաչումը խախտում է Մինսկյան պայմանավորվածությունները և խոչընդոտում է ուկրաինական ճգնաժամի դիվանագիտական ​​կարգավորմանը:

ՌԴ որոշման դեմ է արտահայտվել նաև ՄԱԿ-ի գլխավոր քարտուղարը՝ ասելով, որ Մոսկվան խախտել է Ուկրաինայի տարածքային ամբողջականությունն ու ինքնիշխանությունը։