ՌԴ բանակը ոչնչացրել է 74 ռազմական օբյեկտ, այդ թվում՝ 11 օդանավակայան

1873

Հինգշաբթի, 24 փետրվարի, 2022 թ., 19:00

Ռուս զինվորականները ոչնչացրել են Ուկրաինայի զինված ուժերի 74 ցամաքային ենթակառուցվածքային օբյեկտներ
Ռուս զինվորականները Ուկրաինայում ոչնչացրել են 74 ցամաքային ռազմական ենթակառուցվածքային օբյեկտ, այդ թվում՝ 11 օդանավակայան և ռազմածովային բազա, հայտարարել է ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը։

«Ռուսական զինված ուժերի հարվածների արդյունքում Ուկրաինայի ռազմական ենթակառուցվածքի 74 ցամաքային օբյեկտ է շարքից հանվել, այդ թվում՝ ռազմաօդային ուժերի 11 օդանավակայան, 3 հրամանատարական կետ, Ուկրաինայի ռազմածովային ուժերի բազան»,- ասել է Կոնաշենկովը։

Ինչպես նաև ոչնչացվել են S-300 և Buk-M1 զենիթահրթիռային համակարգերի 18 ռադիոլոկացիոն կայաններ, հավելել է ՊՆ ներկայացուցիչը։

Բացի այդ, խոցվել է մարտական ուղղաթիռ և չորս «Բայրաքտար» TB-2 գրոհային անօդաչու թռչող սարք։