«Ուկրաինական պատերազմը Հայաստանի համար ունի ոչ միայն մարտավարական, այլ նաև ռազմավարական մարտահրավեր». Արման Բաբաջանյան

«Հանուն Հանրապետության» կուսակցության նախագահ Արման Բաբաջանյանի գրառումը. «Ուկրաինական պատերազմը և ճգնաժամը Հայաստանի համար ունի ոչ միայն մարտավարական, այլ նաև ռազմավարական, այսինքն հեռահար դիտարկումների և անելիքների մարտահրավեր:
Մարտավարական խնդիրներից զատ Հայաստանի համար լրջագույն խնդիր է հատկապես ռազմավարական դիտարկումը: Ինքնին հասկանալի է, որ այդ հարցում չկան արագ պատասխաններ, չկան այնպիսի արագ եզրահանգման հնարավորություններ, ինչպես օպերատիվ-մարտավարական ռեժիմի պայմաններում՝ ամեն կերպ պետք է ապահովել չեզոքություն, իսկ հնարավորության դեպքում էլ՝ ակտիվ չեզոքություն:
Ռազմավարական անելիքի պարագայում Հայաստանի համար անհրաժեշտություն է դառնում դիտարկումների շատ մեծ դիապազոնի և գործիքակազմի տիրապետելը, հասկանալու համար, թե ինչպիսին կարող են լինել սցենարային մշակումներն ու դրանց ուղղությամբ անելիքների ծրագրավորումը»: