««Փուռը տալը»՝ Արևմուտքի փեշակն է դարձել». Էդուարդ Շարմազանով

236

Ուրբաթ, 25 փետրվարի, 2022 թ., 20:48

ՀՀԿ խոսնակ Էդուարդ Շարմազանովի գրառումը․ «1920-ին Արևմուտքը որևէ զինվոր չուղարկեց պաշտպանելու Հայաստանը, չնայած խոստում է, որ տալիս էր։ Արդյունքում թուրքերը մտան Ալեքսանդրապոլ։

2008-ին ՆԱՏՕ-ն որևէ օգնություն չցուցաբերեց Վրաստանին: Արդյունքում Վրաստանը կորցրեց Աբխազիան և Հարավային Օսեթիան։

Տարիներ շարունակ ՆԱՏՕ-ն ուկրաինացիների գլխի տակ «փափուկ բարձ» դրեց, իսկ այսօր «ձեռքերը լվացել» է։

«Փուռը տալը»՝ Արևմուտքի փեշակն է դարձել։

Արևմտամետությա՛ն ջատագովներ, իսկ ո՞ւր էր Արևմուտքը 44-օրյա պատերազմի ժամանակ։

«Ուր»-ը չգիտեմ, բայց լուռ էր հաստատ։ Կասեք՝ բա ռուսներն ո՞ւր էին։ Ասեմ. ռուս խաղաղապահները չլինեին, թուրքն այսօր ոչ միայն Ստեփանակերտում էր լինելու, այլ նաև Սյունիքում ու շատ հնարավոր է Արարատյան դաշտում։

Հայաստանի պետական շահը պահանջում է նորոգել ու խորացնել դաշնակցային հարաբերությունները Ռուսաստանի հետ։ Ու դա հնարավոր կլինի միայն իշխանափոխությունից հետո»։

Աղբյուրը` Էդուարդ Շարմազանով