«Արևմուտքն ամեն ինչ Է տվել և տալիս Ուկրաինային». Արա Պապյան

ԱԺԲ անդամ, դիվանագետ Արա Պապյանը ֆեյսբուքյան իր էջում գրում է. «Ոմանք կրկնում են Կրեմլի պրոպագանդան, իբր Արևմուտքը՝ ՆԱՏՕ-ն, ԱՄՆ, Եվրոմիությունը և այլն, չեն օգնում Ուկրաինային:

Լո՞ւրջ: Բա ո՞վ է օգնում: Արևմուտքն ԱՄԵՆ ԻՆՉ, կրկնում եմ ԱՄԵՆ ԻՆՉ Է տվել և տալիս Ուկրաինային՝ բացի զինվորից: Տվել է, տալիս է ու տալու է զենք, զինամթերք, հրահանգիչներ, մասնագետներ, սարքավորումներ, հետախուզական տեղեկություններ, դիվանագիտական, բարոյական և ինֆորմացիոն աջակցություն, հումանիտար օգնություն, փող, շատ փող, պատժամիջոցներ է գործադրում Ռուսաստանի դեմ, Ռուսաստանից սարքել է մեկուսացված բորոտ:

Հարց՝ ինչո՞ւ պիտի զինվոր տա: Նախ երբեք չեն խոստացել: Հետո՝ Ուկրաինան ո՛չ դաշնակից է, և ո՛չ էլ ՆԱՏՕ-ի անդամ: Ուկրաինան 35-40 մլն-անոց երկիր է: Հանգիստ կարող է զորակոչել մի քանի միլիոն մարդ: Թող դա էլ ուկրաինացիներն անեն իրենց երկրի համար: Ասեմ, որ ուկրաինացիները դա պատվով են անում: Ահա պաշտոնական տվյալները: Ուկրաինայի պաշտպանության նախարարությունը հրապարակել է վերջին տեղեկությունը։ Պատերազմի սկզբից մինչ այժմ ռուսները կորցրել են.

- 80 տանկ,

- տարբեր տեսակի 516 զրահամեքենա,

- 7 ուղղաթիռ,

- 10 ինքնաթիռ,

- 20 թևավոր հրթիռ,

- 100-ից ավելի ռազմական մեքենաներ,

- Զոհվել է ավելի քան 2800 ռուսաստանցի զինծառայող»։