ԱՄՆ-ը պատժամիջոցներ է սահմանել Պուտինի, Լավրովի, Շոյգուի դեմ

ԱՄՆ-ը պատժամիջոցներ է սահմանել Ռուսաստանի նախագահ Վլադիմիր Պուտինի, արտգործնախարար Սերգեյ Լավրովի, պաշտպանության նախարար Սերգեյ Շոյգուի դեմ, հայտնում է ԱՄՆ ֆինանսների նախարարությունը։

«Գործում ենք մեր միջազգային դաշնակիցների և գործընկերների հետ միասին՝ երաշխավորելու, որ Ռուսաստանը տնտեսական և դիվանագիտական լուրջ ​​գին վճարի Ուկրաինա ներխուժման համար»,- ասել է ֆինանսների նախարար Ժանետ Յելենը:

Պատժամիջոցները նախատեսում են ԱՄՆ իրավասության տակ գտնվող ակտիվների արգելափակում։

Ավելի վաղ հայտնի էր դարձել, որ Եվրոմիությունը ևս պատժամիջոցների երկրորդ փաթեթն է ընդունել՝ ներառելով Պուտինին ու Լավրովին: